E don tay wey sardine don dey lost for my house.
Na one pinkin come tell me say he see one rat wey carry sardine dey run enter under cupboard.
Naim, l come dey shout say the rat wey carry the sardine go soon die when l go buy rat Gummer come. Beside, he just dey waste him time because he nor go get key to open am.
I nor know say the rat dey hear me.
At once, he shout from the bottom of the cupboard say.
"Oga, nor waste your time about key and rat Gummer.
We don go digital. We know rat Gummer well-well and l nor go take my korokoro eyes waka enter am, make he catch me.
By the way, all the sardines wey l don dey tiff for this your house for years, now, l dey ask for key before l dey open them? Na my digital teeth l dey take open them. I don already open and chop am finish self.
You nor dey even thank God say l nor dey eat una legs wey una dey sleep like dead body? The sardine and una legs na which one una like pass? I get hole under the cupboard . I used my digital teeth take chop open the floor tiles and put hole.
If you like, make you burn down the house, l go run enter my bunker in under ground. And make l warn una, if you decide to hide your sardines far, l go dey chop una legs. Even if you put rat poison, l know am well-well, l nor go chop am lai-lai.
No comments:
Post a Comment